વાલસુરા ખાતે પાસિંગ આઉટ પરેડ અને વેલેડિક્ટરી ફંકશન

 

    શોર્ટ સર્વિસ કમિશન  કોર્સના સાત અધિકારીઓ 19 અઠવાડિયાની વ્યાવસાયિક તાલીમ પૂર્ણ કર્યા બાદ 20 ઓગસ્ટના રોજ INS વાલસુરાના પોર્ટલ પરથી પાસ આઉટ થયા. કોમોડોર જે.એસ. ધનોઆ, કમાન્ડિંગ ઓફિસરે પાસિંગ આઉટ પરેડની સમીક્ષા કરી હતી અને શૈક્ષણિક, રમતગમત અને અભ્યાસેતર પ્રવૃત્તિઓમાં ઉત્કૃષ્ટ દેખાવ કરનાર મેરીટોરીયસ ઓફિસરોને પુસ્તક , ઈનામો અને પ્રમાણપત્રો એનાયત કર્યા હતા. સબ લેફ્ટનન્ટ અર્પિત શર્માને મેરિટના એકંદર ક્રમમાં પ્રથમ સ્થાન આપવામાં આવ્યું હતું જ્યારે સબ લેફ્ટનન્ટ ભવ્ય રમણ બીજા સ્થાને રહ્યા હતા અને તેમને 'શ્રેષ્ઠ ઓલરાઉન્ડ ઓફિસર' તરીકે પણ જાહેર કરવામાં આવ્યા હતા. પરેડને સંબોધતી વખતે, કમાન્ડિંગ ઓફિસરે પાસ આઉટ થયેલા અધિકારીઓને અભિનંદન પાઠવ્યા હતા અને તેમને ઉચ્ચ વ્યાવસાયિક ધોરણો માટે હંમેશા પ્રયત્નશીલ રહેવા વિનંતી કરી હતી. કમાન્ડિંગ ઓફિસરે અધિકારીઓને સંબોધન કર્યું હતું કે ,તેઓ નેતા તરીકેની તેમની ફરજો નિભાવતી વખતે  નિરંતરિત નૈતિકતાને આત્મસાત કરે.  તેમણે વિકસતી ટેક્નૉલૉજી સાથે નજીકમાં રહેવાની જરૂરિયાત પર પ્રકાશ પાડ્યો અને ભારતીય નૌકાદળના ડિજિટલ પરિવર્તનમાં તેમની ભૂમિકા પર ભાર મૂક્યો. તેમણે તમામ અધિકારીઓને મજબૂત વ્યાવસાયિક કૌશલ્ય અને નેતૃત્વ વિશેષતાઓથી અસરકારક રીતે સજ્જ કરવા માટે તાલીમ ફેકલ્ટીની પ્રશંસા કરી હતી.