પ્રમુખપદ મોભો નહીં, જવાબદારી છે, સૌનાં સહયોગથી નિભાવીશ: દિનેશભાઈ ડાંગરિયા બ્રાસસિટી જામનગરનાં અર્થતંત્રમાં દરેડ ઉદ્યોગનગર-ટુ અને ઉદ્યોગનગર-થ્રી નો નોંધપાત્ર હિસ્સો રહ્યો છે. આ બંને ઉદ્યોગનગરોના મોટાં ઉદ્યોગકારોથી માંડીને નાનાં કારખાનેદારો જીઆઇડીસી પ્લોટ્સ એન્ડ શેડસ હોલ્ડર્સ એસોસિએશન સાથે સંકળાયેલા છે. આ સંગઠન ૧,૨૦૯ સભ્યો ધરાવે છે જે પૈકી મોટાભાગના ઉદ્યોગકારો અને કારખાનેદારો, એસો. નાં પ્રમુખ દિનેશભાઇ ડાંગરિયા પ્રત્યે અટલ વિશ્વાસ ધરાવે છે. આ અગાઉની ટર્મમાં પ્રમુખ તરીકેનાં તેમનાં કાર્યકાળ દરમિયાન હોદેદારોની સમગ્ર ટીમે દરેડ ઉદ્યોગનગરનાં કલ્યાણ અને વિકાસ માટે પુષ્કળ કામો કર્યા હોય, આ ઉપરાંત હાલમાં પણ આ ટીમ હસ્તક ઘણાં કામો ચાલુ હોય, તાજેતરની ચૂંટણીમાં મતદારોએ વધુ ત્રણ વર્ષ માટે દિનેશભાઇ ડાંગરિયાની પ્રગતિશીલ પેનલને ફરીથી સતા સોંપી છે. અને, કારોબારી સમિતિનાં ચૂંટાયેલા અન્ય ૨૦ સભ્યોએ એકઅવાજે અને આગ્રહ કરીને ફરી વખત પેનલનાં મોભી દિનેશભાઇ ડાંગરિયાને પ્રમુખપદનો તાજ પહેરાવ્યો છે. જો કે, દિનેશભાઇ સ્પષ્ટવક્તાપણું ધરાવે છે, તેઓનાં મતે- પ્રમુખપદ મોભો નહીં, ...