ગુજરાતની હાઇકોર્ટે રાજ્યમાં ૨૩ ઓકટોબર થી નીચલી અદાલતો (સબઓર્ડિનેટ) શરૂ કરવા મંજૂરી આપી છે. અમદાવાદ, વડોદરા, સુરત, રાજકોટની ડીસ્ટ્રીકટ કોર્ટ તથા માઇક્રો કન્ટેનમેન્ટ ઝોનમાં આવેલી અદાલતો ૨૩ મી ઓકટોબરથી અગાઉની માફક ફીઝીકલ કાર્યરત થઇ શકશે. જો કે તે માટે કોરોના અંગેની SOP (સ્ટાન્ડર્ડ ઓપરેટીંગ પ્રોસિજર)નું સૌએ પાલન કરવાનું રહેશે. સંબંધિત અદાલતોમાં પેન્ડીંઘ કસોના નંબર (ક્રમ) પ્રિન્સિપલ જ્યુડીશ્યલ ઓફિસર નક્કી કરશે. દરેક કોર્ટમાં કોરોના સંબંધી સૂચનાઓના પાલન માટે પ્રત્યેક ડીસ્ટ્રીકટ કોર્ટમાં એક કોવિડ ઓફિસરની નિયુકિત કરવાની રહેશે. કોર્ટ સંકુલમાં માત્ર એક જ દરવાજો ખોલી શકાશે. કોર્ટની કામગીરી સવારે ૧૦:૪૫ થી બપોરના ૪ વાગ્યા સુધી નિર્ધારીત કરવામાં આવી છે. મુલાકાતીઓ માટે પ્રવેશબંધી. કોર્ટમાં એટીએમ હોય તો બંધ રાખવા પડશે.