રાંધણગેસના બાટલાના ભાવમાં રૂપિયા ૫૦ નો વધારો ઝીંકવામાં આવ્યો છે. જામનગર જિલ્લામાં ૨ લાખ ગેસધારકો છે: કોઇ જ ગેસ એજન્સી કે પૂરવઠાતંત્ર (કલેકટર કચેરી)એ સ્પષ્ટતા કરી નથી કે આ ભાવ વધારો સબસિડીરૂપે મળશે કે કેમ? આ મુદ્ે લોકોમાં દેકારો. ખંભાળીયામાં હમીદ જૂસબ (ઝીણાં) નામનો શખ્સ ગાંજા સાથે ઝડપાયો છે. આ ગાંજો જામનગરના હનિફ શેખ (લંગડો) (વ્હોરાના હજીરા પાસે) પાસેથી મેળવવામાં આવેલો. જામજોધપુરમાં મયૂર રાજેશભાઇ ડાભી નામના વેપારીએ ગ્રાહક બનીને આવેલી એક સગીરાને દુકાનમાં બોલાવી દુષ્કર્મ આચરેલું, એવી ફરિયાદ થઇ છે. આ દુકાનદારની અટકાયત થઇ, તેનો કોરોના ટેસ્ટ તથા સગીરાની તબીબી ચકાસણી કરવાની કામગીરી હાથ ધરાઇ છે. જામનગરના ભીમવાસમાં પાણી ઢોળવા બાબતે બે સંઘાર પરિવારો બાખડયા: હસીનાબેન સલીમભાઇએ અબ્બાસ જૂનુસભા છે. જૂનુસ અબ્બાસભાઇ તથા સખીના બેન જૂનુસભાઇ સંઘાર વિરૂધ્ધ ફરિયાદ નોંધાવી. દ્વારકાના બરીડયા ગામમાં ટ્રેકટર મારફત રેતીચોરી અટકાવવા ગયેલાં પોલીસકર્મીને આરોપીએ ફડાકો ઝીંકયો: મશરી કાનાભાઇ છૂછર નામના પોલીસ કર્મીએ રામભા પબાભા નાયાણી, મેરૂભા દેવુભા કારા તથા સાજણભા દેવુભા કારા, દેવુભા જીવણભા કારા વિરૂધ્ધ ફરિયાદ નોંધાવી...