જામનગર મહાનગરપાલિકાની ફૂડ શાખાએ શહેરના ગોકુલનગર, ઉદ્યોગનગર સહિતના વિસ્તારોમાં કુલ ૨૦ દુકાનો (મિઠાઇ તથા ફરસાણ)માં ચેકીંગ કરી નમૂનાઓ લીધાં છે. નમૂનાઓ વડોદરા લેબોરેટરીમાં મોકલ્યા છે. આ ઉપરાંત કેટલીક દુકાનોમાં ફરસાણ માટેના તેલની ટીપીસી ચકાસણી પણ કરવામાં આવી છે જે પૈકી ૧૬ કિલો તેલ નબળું જણાતાં આ તેલનો નાશ કરવામાં આવ્યો છે. ગોકુલનગર, ઉદ્યોગનગર, હરિયા સ્કૂલ, સત્યમ રોડ, સહિતના વિસ્તારોમાં દેવરાજ નમકીન, હરિઓમ નમકીન, શકિત ગૃહ ઉદ્યોગ, શ્રી જી ડેરી ફાર્મ, ન્યૂ ખોડિયાર ફરસાણ, ખેતેશ્વર સ્વીટ, અક્ષર સ્વીટ, ગોરસ ડેરી, પટેલ સ્વીટ તથા શિવાલય ડેરીમાં ચેકીંગ કરવામાં આવેલું.