જામનગર ક્રાઈમ બ્રાન્ચે શહેરનાં દિગ્જામ સર્કલ વિસ્તારમાં એક ફ્લેટ પર દરોડો પાડી કુલ ૯ જૂગારીઓને ઝડપી લીધાં છે.
એલસીબીનાં ઇન્ચાર્જ પીઆઇ કે જે ભોયેના માર્ગદર્શન હેઠળ પીએસઆઇ ગોજિયા અને કાંટેલિયાની ટીમે દિગ્જામ સર્કલ વિસ્તારમાં, દેવપાર્ક સોસાયટીમાં શેરી નં ૧ માં રાહુલ ફોગા ગાગિયાનાં ફ્લેટમાં દરોડો પાડયો હતો. આ દરોડામાં રૂ. ૫૯,૪૯૦ ની રોકડ રકમ, રૂ. ૫૨,૫૦૦ ની કિંમતનાં ૯ નંગ મોબાઈલ અને રૂ. ૫૫,૦૦૦ ની કિંમતનાં ૨ મોટરસાયકલ મળી કુલ રૂ. ૧,૬૬,૯૯૦ નો મુદ્દામાલ કબજે લીધો છે.
આ દરોડામાં રાહુલ ગાગિયા ઉપરાંત બુધા દેવરામ ભટ્ટ, હરિરામ બચુ જોષી, કમલેશ મણિલાલ જોગિયા, સંજય ચુનીલાલ લોઢિયા, નિલેશ નથુ માળિયા ઉપરાંત રીટાબા મહાવીરસિંહ દિલુભા જાડેજા, શિલ્પા કલ્પેશ જોગિયા તથા દક્ષા ત્રિભોવન અઘેડા નામનાં કુલ ૯ સ્ત્રી પુરુષોની ધરપકડ કરી હતી.
ટિપ્પણીઓ
ટિપ્પણી પોસ્ટ કરો