- જામનગર શહેર-જિલ્લામાં વર્ષ ૨૦૨૦ દરમ્યાન કુલ ૨૩૧૩૦ નવા મતદારોની નોંધણી થઇ છે. જો કે વસતિની સાપેક્ષે યુવા મતદારોની નોંધણી ઓછી છે તેથી આગામી તારીખ ૨૨ થી સતત ૪ રવિવાર દરમ્યાન શહેર-જિલ્લામાં શાળા-બૂથ કક્ષાએ મતદારોની નોંધણી વગેરે કામો માટે મતદારયાદી સંક્ષિપ્ત સુધારણાં કાર્યક્રમ હાથ ધરવામાં આવશે. વધુ વિગતો માટે તમારા મતવિસ્તારના બ્લોકલેવલ ઓફિસરનો સંપર્ક સાધવો.
- જામનગરની શિક્ષણ સમિતિના ચોથા વર્ગના (ચોકીદાર-કમ-પટાવાળા) ૧૮ કર્મીઓને બે વર્ષથી યુનિફોર્મ, પેન્શન, બોનસ, એલટીસી તથા અન્ય લાભો મળતાં નથી. આ અંગે વારંવારની રજૂઆત છતાં સમિતિ કે કોર્પોરેશન ધ્યાન આપતાં નથી. વધુ એક વખત આ કર્મીઓએ આવેદન દ્વારા આંદોલનની ચિમકી આપી છે.
- જામનગરની સંસ્થા પારસધામના ઉપક્રમે જી.જી. હોસ્પિટલના ચોથા વર્ગના કર્મચારીઓ સહિત કુલ ૧૦૨૪ લાભાર્થીઓને નિ:શુલ્ક મિઠાઇનું વિતરણ કરવામાં આવેલું. આ ઉપરાંત હાપા વિસ્તારમાં ૧૦૦ જેટલાં બાળકોને ભોજન કરાવવામાં આવ્યું હતું
- સુપ્રિમ કોર્ટ બાર એસોસિએશનના અધ્યક્ષ દુષ્યંત દવે (વરિષ્ઠ ધારાશાસ્ત્રી)એ સુપ્રિમ કોર્ટના રજિસ્ટ્રારને પત્ર લખી અર્નબ ગોસ્વામી (રિપબ્લિક ટીવી એન્કર)ની તત્કાળ સુનાવણી સામે વિરોધ વ્યકત કર્યો: કમ્પ્યુટરાઇડ્સ લિસ્ટીંગ વ્યવસ્થાનો અમલ કેમ નહી: હજારો નાગરિકોના કેસ પેન્ડીંગ છે ત્યારે અર્નબ ગોસ્વામીની તરફેણ શા માટે?
- પૂર્વ ખાણખનીજ મંત્રી (ગુજરાત) રોહિત પટેલનું હૃદયરોગના હુમલો આવતાં નિધન: પીએમ નરેન્દ્ર મોદીએ ટ્વીટ કરી શોક વ્યકત કર્યો.
- એન્ડગિવ હારૂન ઇન્ડિયાના ફિલેન્થ્રપી ૨૦૨૦ના લિસ્ટ પ્રમાણે ભારતમાં સૌથી મોટા દાનવીર વિપ્રોના અઝીમ પ્રેમજી: એક વર્ષમાં ૭૯૦૪ કરોડ રૂપિયાનું દાન કયું<: રોજના અંદાજે ૨૨ કરોડ રૂપિયા આપ્યા.
- આઇપીએલમાં મુંબઇ ઇન્ડિયન્સે પાંચમી વખત ટાઇટલ જીત્યું: દિલ્હી કેપિટલ્સે ૧૫૭ રનનો લક્ષ્યાંક આપ્યો હતો જે પાંચ વિકેટથી સરળતાથી જીત મેળવી: કેપ્ટન રોહિત શર્માએ ૬૮ રન કર્યા.
- બિહારની ચૂંટણીમાં પીએમ નરેન્દ્ર મોદીની છબીના કારણે વિજય મળ્યો નહીં કે નિતિશકુમારની કામગીરીને પરિણામે: ચિરાગ પાસવાન.
- જીએસટી લાગુ કરાયાના ૪૦ મહિના બાદ પોર્ટલની ક્ષમતામાં વધારો: ૩ લાખ કરદાતાનું લોગ ઇન: રિટર્ન ભરવાના છેલ્લા દિવસોમાં સર્વર ધીમું થઇ જવાની કમ્પલેઇન આવતી હોવાથી ૪૦ મહિના બાદ ક્ષમતામાં વધારો.
ટિપ્પણીઓ
ટિપ્પણી પોસ્ટ કરો