ત્રિદિવસીય શ્રી પ્રાણનાથજી પ્રાગટ્ય મહોત્સવ અંગે ચર્ચા

    જામનગરમાં આવેલી શ્રી કૃષ્ણ પ્રણામી ધર્મની આધ્યપીઠ શ્રી 5 નવતનપુરીધામ ખીજડા મંદિર ખાતે રાજ્યના કૃષિમંત્રી  રાઘવજીભાઈ પટેલ પહોંચ્યા હતા. કૃષિમંત્રી રાઘવજીભાઈ પટેલ શ્રી 108 કૃષ્ણમણિજી મહારાજને મળ્યા હતા. આ પ્રસંગે આગામી તા.23 સપ્ટેમ્બર, 2022થી શરુ થનાર ત્રિદિવસીય શ્રી પ્રાણનાથજી પ્રાગટ્ય મહોત્સવ અંગે પણ ચર્ચાઓ થઈ હતી. અને આ પ્રસંગે ઉપસ્થિત રહેવા આમંત્રણ પણ આપવામાં આવ્યું હતું. આ મુલાકાત દરમિયાન ખીજડા મંદિરના પૂ. લક્ષ્મણદેવજી મહારાજ, કિંજલ કારસરીયા, ગિરિરાજસિંહ જાડેજા વગેરે હાજર રહ્યા હતા.