આંતરશાળા રાસ ગરબા સ્પર્ધા યોજવામાં આવી

    જામનગર મહાનગર પાલિકા સંચાલિત નગર પ્રાથમિક શિક્ષણ સમિતિ દ્વારા  તા. 21 અને તા. 22 ના રોજ આંતર શાળા રાસ ગરબા હરીફાઈ ટાઉનહોલ ખાતે યોજવામાં આવી હતી.

    આ રાસ ગરબા સ્પર્ધામાં કુલ 2  વિભાગમાં સમિતિ સંચાલિત 44 શાળાના વિદ્યાર્થીઓએ ભાગ લીધો હતો, જેમાં વિભાગ-1 માં 21 શાળાઓએ ભાગ લીધો હતો , જેમાં કુલ 8 કુમાર ની કૃતિ અને 12 કન્યાઓ ની કૃતિ અને એક મિશ્ર કુમાર - કન્યા સહિત  કુલ 292 બાળકોએ પરંપરાગત પોશાક પહેરી કૃતિ રજૂ કરી હતી. તારીખ 22 ના રોજ વિભાગ 2 માં આંતરશાળા સ્પર્ધામાં કુલ 20 કૃતિઓ રજૂ કરાઈ હતી જેમાં 7 કુમાર કૃતિ 13 કન્યાઓએ  પરંપરાગત પોશાકમાં સજ્જ થઈ કૃતિઓ રજૂ કરી હતી અને કુલ 274 બાળકોએ રાસ ગરબા હરીફાઈમાં ભાગ લીધો હતો.

    વિભાગ-1 માં શાળા નંબર 44/ 51/ 40/ 60 27 /10 કુલ છ શાળા ની કૃતિ નું સિલેક્શન કરવામાં આવ્યું હતું. તેમજ વિભાગ -૨ માં શાળા નંબર 20 /29/ 18/ 11/ 12 /31 કુલ 6 શાળાનું સિલેક્શન કરવામાં આવ્યું હતું. આ તમામ 12 કૃતિઓ  તારીખ 25  ને રવિવારના રોજ પ્રદર્શન ગ્રાઉન્ડ ખાતે સાંજે 5:00 વાગ્યે શહેરના અગ્રણીઓની ઉપસ્થિતિમાં આંતરશાળા રાસ ગરબા હરીફાઈ ના છેલ્લા તબક્કામાં પોતાની કૃતિઓ રજૂ કરશે.

    આ કાર્યક્રમમાં મેયર  બીનાબેન કોઠારી , સ્ટેન્ડિંગ કમિટીના ચેરમેન  મનીષ કટારીયા, શાસક પક્ષના નેતા  કુસુમબેન, પંડ્યા જિલ્લા શિક્ષણ અધિકારી  મધુબેન ભટ્ટ સહિતના શહેરના અગ્રણીઓ ઉપસ્થિત રહ્યા હતા.

    આ સમગ્ર કાર્યક્રમને સફળ બનાવવા માટે  સમિતિના અધ્યક્ષ  મનીષ કનખરા ,ઉપાધ્યક્ષ  પ્રજ્ઞાબા સોઢા, શાસન અધિકારી  ફાલ્ગુની પટેલ સહિતના સ્ટાફે જહેમત ઉઠાવી હતી.