જામનગર જિલ્લાના શિક્ષણજગતને વધુ એક વખત લાંછન લાગ્યું છે. ૫૬ વર્ષના એક આચાર્યની ધરપકડ થઇ છે. તેણે ૧૦ વર્ષની બાળાને અડપલાં કર્યાનો આક્ષેપ છે.
જામનગર જિલ્લાના કાલાવડ તાલુકાના પાંચ દેવડાની પ્રાથમિક શાળાની ૧૦ વર્ષની માસૂમ બાળાને સારાં માર્કસની લાલચ આપી શાળાના આચાર્ય બાબુ નાથભાઇ સંઘાણીએ આ બાળા સાથે શારીરિક અડપલાં કર્યા છે. એવી ફરિયાદ બાળાના પિતાએ પોલીસમાં નોંધાવતાં, પોકસો એકટ સહિતની કલમો હેઠળ આચાર્યની ધરપકડ થઇ છે.
આ ચકચારી બનાવ ગત્ સોમવારના દિને બન્યો હોવાનું કહેવાય છે. આરોપીનો કોરોના રિપોર્ટ નેગેટિવ જાહેર થયા પછી તેની ધરપકડ કરી, જેલ હવાલે મોકલવા કાર્યવાહી ચાલુ છે.
ટિપ્પણીઓ
ટિપ્પણી પોસ્ટ કરો